Makina përplaset me patrullën e policisë në këtë vend
Një makinë është përplasur me automjetin e Policisë Rrugore, tip “Volkswagen” në aksin rrugor “Korçë-Pogradec”, në fshatin Çërravë, mëngjesin e sotëm.
Si pasojë është lënduar punonjësi i policisë në detyrë që po drejtonte patrullën dhe ndodhet për mjekim në spital.
Ndaj drejtuesit të makinës tjetër tip “Mitsubishi” po kryhen veprimet e mëtejshme procedurale.
Grupi hetimor po punon për sqarimin e rrethanave dhe përcaktimin e shkakut të aksidentit.
(Kosova Sot Online)
