Ja pse Bundestagu do të zvogëlojë numrin e deputetëve në legjislaturën e re

Nga zgjedhjet e përgjithshme të vitit 2025, Gjermania do të zgjedhë 630 përfaqësues në Bundestag, parlamentin kombëtar, në ndryshim nga numri i mëparshëm, i cili u rrit në 733 vende pas zgjedhjeve të vitit 2021, transmeton "Kosova Sot Online ".

Kjo reformë zgjedhore e propozuar nga koalicioni “semaforë” (të Gjelbër, Social Demokratë, Liberalë), u konfirmua me vendim të Gjykatës Kushtetuese në Karlsruhe, shkruajnë mediat gjermane.

Lexoni edhe:

Byroja e Kërkimeve Sociale tregon hapur se cilat media kontrollohen nga Vuçiqi

Parlamenti gjerman është unik në atë që nuk ka një numër të qëndrueshëm mandatesh, por ndryshon në varësi të rezultateve të zgjedhjeve.

Kur votuesit, sipas sistemit aktual, shkojnë në qendrat e votimit, ata mund të votojnë në dy lista. Në të parën votojnë për një kandidat nga rrethi i tyre lokal, prej të cilëve 299 në Gjermani dhe në të dytën për partinë politike që mbështesin.

Çdo kandidat që fiton mjaftueshëm mbështetje në komunitetin lokal i garantohet një vend në Bundestag. Vendet e tjera në parlament ndahen me vota në listën e dytë, ku partitë marrin përfaqësues në varësi të mbështetjes që kanë.

(Kosova Sot Online )