Varroset Xhevdet Millaku i cili u vra nga kunata e tij

Një ngjarje tragjike që përfundoi me vrasje ka tronditur Vranjevcin mbrëmë. Një grua ka ekzekutuar vëllain e bashkëshortit – kunatin e saj, transmeton gazeta “Kosova Sot Online”.

I ndjeri Xhevdet Millaku u varros sot, pasi IML ka kryer procedurat e obduksionit.

Për ceremoninë e varrimit kanë njoftuar familja e tij e ngushtë, e cila ka treguar se lamtumira e fundit, Millakut, do t’i bëhet sot në ora 17:00, në varrezat e qytetit, në Dragodan.

Millaku dyshohet se u qëllua mbrëmë rreth orës 19:20 nga kunata e tij, Nazmije Millaku.

Sipas njoftimit të Prokurorisë, akti, sipas hetimeve të para ka ndodh për shkak të problemeve familjare.

(Kosova Sot Online)