Turqia dhe Rusia i rifillojnë patrullimet e përbashkëta

  • A.P /
  • 23 August 2024 - 20:30
Turqia dhe Rusia i rifillojnë patrullimet e përbashkëta

Trupat turke dhe ato ruse i kanë nisur patrullimet e përbashkëta tokësore me autoblinda në verilindje të Sirisë, njoftoi Ministria e Mbrojtjes e Turqisë të premten.

Patrullimet e tyre të përbashkëta në këtë rajon ishin ndërprerë vitin e kaluar, për shkaqe sigurie, sipas Ministrisë turke.

Patrullimi i përbashkët rifilloi të enjten në lindje të zonës “Operacioni Paqja Pranverore” në verilindje të Sirisë, dhe në të u përfshinë katër automjete dhe 24 ushtarë, sipas njoftimit.

Ministria turke nuk dha shpjegime në lidhje me çështjet e sigurisë që shkaktuan ndërprerjen e patrullimeve të përbashkëta në tetor të vitit të kaluar.

(Kosova Sot Online)