Albin Kurti i mbledh ministrat

Qeveria e Kosovës do të mbajë sot mbledhjen e radhës, transmeton gazeta “Kosova Sot Online”.

Në mbledhjen që pritet të fillojë në ora 10:00, në rend të ditës janë gjithsej 14 pika.

Ndër të tjera në mbledhjen e sotme do të shqyrtojë Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.

Po ashtu do të bëhet Shqyrtimi i Draftit të Programit Kombëtar për Mbrojtjen Gjithëpërfshirëse të Republikës së Kosovës.

Në mbledhjen e sotme po ashtu do të bëhet shqyrtimi i Propozim-vendimit për ndryshimin dhe plotësimin e Programit Legjislativ të Qeverisë së Republikës së Kosovës për vitin 2024.

(Kosova Sot Online)