Pacientët gjatë javës do ta marrin terapinë në Klinikën e Onkologjisë

Shërbimi Klinik dhe Universitar i Kosovës ka dalë me një sqarim lidhur me mungesën e produktit Phesgo në Klinikën e Onkologjisë, transmeton gazeta “Kosova Sot Online”.

Nga SHKSUK kanë thënë se pacintët do ta marrin këtë terapi gjatë javës.

Në sqarimin e SHSKUK’së thuhet se për shkak të shpenzimit të sasive, për disa ditë ka munguar Phesgo, doza, 600/600 miligramë, kurse me dozën Phsego 1200/600 miligramë, ky insituticion thotë se ka pasur furnizim në vazhdimësi.

“Për shkak të rritjes së numrit të pacientëve përtej planifikimit, Klinika e Onkologjisë ka bërë kërkesë për furnizime për tremujorin e katërt, dhe furnizimi do të bëhet javën e ardhshme. Duhet të theksojmë se pacientët kanë marrë në vazhdimësi këtë terapi, pa mungesë, kurse për shkak të shtimit të kërkesës, ka munguar disa ditë, e që janë marrë masat e menjëhershme dhe pacientët gjatë javës do ta marrin atë”, thuhet në sqarim.

Ndyshe, një paciente ka deklaruar  se nuk po arrin ta marrë injeksionin “Phesgo” që gjashtë javë për shkak se ka mungesë në Klinikën e Onkologjisë në ShSKUK.

Pacientja, tregoi në kushte anonimiteti se si pasojë e mosmarrjes së injeksionit ndodhet në gjendje jo të mirë shëndetësore.

(Kosova Sot Online)