Gazmend Muhaxheri udhëton për në Gjermani

Kryetari i Pejës, Gazmend Muhaxheri, mëngjesin e sotëm u përball me një sulm fizik që dyshohet se lidhet me motive për shkak të funksionit të tij. Dy personat që dyshohen për këtë incident përfunduan në prangat e Policisë, ndërkohë që tashmë ka nisur një hetim në koordinim me Prokurorin e Shtetit, transmeton gazeta “Kosova Sot Online”.

Dy të arrestuarit, Dukagjin Lulaj dhe Korab Lulaj u prangosën dhe u dërguan në mbajtje.

Policia ndërmorri veprimet e nevojshme dhe intervistoi kryetarin në cilësinë e viktimës lidhur me këtë incident, me ç’rast dha dëshminë e tij para hetuesve policorë.

Pas përfundimit të intervistimit dhe procedurave të tjera në Polici, Muhaxheri është nisur për në Gjermani, udhëtim ky që e kishte të planifikuar në agjendën e tij.

(Kosova Sot Online)