Për të mërkurën parashikohet të ketë reshje lokale shiu

Për të mërkurën parashikohet që në orët e para të 24-orëshit të ketë reshje lokale shiu, më pas pjesa e parë e ditës pritet të vijojë me vranësira dhe intervale me diell, transmeton gazeta “Kosova Sot Online”.

Gjatë orëve pasdites dhe mbrëmjes, pritet shtim i vranësirave dhe reshje shiu, të cilat lokalisht do të jenë në formë të rrebesheve.

Era do të fryjë drejtimesh të ndryshme me shpejtësi prej 10-36 km/h.

Temperaturat minimale do të lëvizin prej 3 deri në 6°C, ndërsa ato maksimale prej 11 deri në 15°C. 

(Kosova Sot Online)