Vetëvendosje e deklason LDK-në edhe në Gjilan

Komisioni Qendror i Zgjedhjeve (KQZ) ka përditësuar të dhënat e fundit,  transmeton gazeta “Kosova Sot Online”.

Sipas këtyre të dhënave, në qytetin e Gjilanit janë numëruar 78,29 për qind e vendvotimeve, ose 101 nga gjithsej 129.

Këto të dhëna tregojnë se Lidhja Demokratike e Kosovës (LDK) e Lutfi Hazirit në këtë komunë ka marrë goditje të madhe nga Lëvizja Vetëvendosje.

Vetëvendosja në Gjilan deri më tani ka mbledhur gjithsej 18 mijë e 813 vota, ose 51,54 për qind.

E dyta është LDK-ja me 7 mijë e 933 vota, ose 21,73 për qind.

Në Gjilan në vend të tretë deri më tani është Partia Demokratike e Kosovës (PDK), e cila ka 17,06 për qind, ose 6 mijë e 229 vota.

(Kosova Sot Online)