Arrestohet një person në Fushë Kosovë
Policia e Kosovës ka arrestuar një person pasi në stacionin policor në Fushë Kosovë është paraqitur një qytetare e cila ka raportuar se është kërcënuar dhe ofenduar nga bashkëshorti i saj, transmeton gazeta “Kosova Sot Online”.
Në njoftimin e policisë thuhet se pas hetimeve të ndërmarra nga njësia e hetimeve në Ferizaj, nga i dyshuari është konfiskuar një pistoletë me 47 fishekë.
“Me urdhër të prokurorit të shtetit, i dyshuari është liruar në procedurë të rregullt. Rasti mbetet në trajtim të mëtejshëm nga njësia për dhunë në familje”, thuhet në njoftim.
Rasti është cilësuar nga ana e policisë si “mbajtje e paautorizuar e armës” dhe “dhunë në familje”.
(Kosova Sot Online)
