Monika Kryemadhi paraqitet në Prokurorinë e Posaçme

Ish-deputetja shqiptare, Monika Kryemadhi është paraqitur në SPAK, transmeton gazeta “Kosova Sot Online”.

Ish-kryetarja e LSI u paraqit në Prokurorinë e Posaçme për tu njohur me akuzat e ngritura ndaj saj. Gjithashtu me akuzat do të njihet edhe nëna e saj, Fatime Kryemadhi.

Ky hetim i SPAK ka qenë pjesë e një hetimi mbi pasurinë dhe dyshimet për korrupsion.

Sot ishte planifikuar që në orën 10:00 Ilir Meta të njoftohej zyrtarisht për përfundimin e hetimeve, por ky proces është shtyrë.

Avokati i Metës, Kujtim Cakrani, paraqiti një kërkesë për shtyrje, duke informuar se ndodhet me pushime. Për rrjedhojë, njoftimi për Metën do të bëhet ditën e hënë.

(Kosova Sot Online)