Tërmet i ri në Rusi

Gadishulli Kamchatka është goditur nga një tjetër tërmet – këtë herë me magnitudë 5.7 ballë të shkallës Rihter, njoftoi Departamenti i Kamchatka-s i Shërbimit të Bashkuar Gjeofizik të Akademisë Ruse të Shkencave, transmeton gazeta “Kosova Sot Online”.

Sipas tyre, tërmeti ndodhi këtë mëngjes rreth orës 7 të mëngjesit sipas kohës së Evropës Qendrore, dhe epiqendra ishte 342 kilometra nga Petropavlovsk-Kamchatsky, në një thellësi prej 82.3 kilometrash.

Ky është një tjetër në një seri tërmetesh që kanë goditur rajonin – ju kujtojmë se më 31 korrik, ndodhi një tërmet shkatërrues me magnitudë 8.8, më i forti në zonë që nga viti 1952.

Ai tërmet shkaktoi gjithashtu një cunami, por për fat të mirë, nuk pati viktima – disa njerëz pësuan lëndime të lehta.

(Kosova Sot Online)