Zelensky: S’ua japim tokën pushtuesve

Udhëheqësit amerikanë dhe rusë kanë konfirmuar një takim në Alaska të premten e ardhshme për të diskutuar luftën e Moskës kundër Ukrainës, transmeton gazeta “Kosova Sot Online”.

Duke folur në Shtëpinë e Bardhë, Trump konfirmoi raportimet se do të takohej së shpejti me Putinin.

Menjëherë pas kësaj, ai tha në mediat sociale se takimi do të zhvillohej në Alaska më 15 gusht.

Partneri i lajmeve në SHBA i BBC-së, CBS, raportoi se Shtëpia e Bardhë po përpiqet t’ua shesë aleatëve evropianë një marrëveshje paqeje me të cilën Ukraina do të hiqte dorë nga pjesë të mëdha të territorit të saj.

Sipas kushteve të saj, Rusia do të merrte rajonin lindor të Donbasit dhe Krimenë, ndërsa do të tërhiqte forcat e saj nga pjesë të tjera të Ukrainës ku ka njëfarë kontrolli.

Shtëpia e Bardhë nuk e ka konfirmuar këtë, por Trump më parë tha se një marrëveshje do të përfshinte “disa shkëmbime territoresh”.

Trump ushtroi presion mbi Presidentin ukrainas Volodymyr Zelenskyy, duke thënë se ai duhet të “përgatitet të nënshkruajë diçka”.

Trump më parë vendosi një afat që Putini të binte dakord për një armëpushim me Ukrainën deri të premten – por ky afat erdhi dhe iku pa asnjë njoftim apo sanksione shtesë.

Duke reaguar ndaj deklaratave të Trump, Presidenti i Ukrainës Volodymyr Zelensky thotë se ukrainasit “nuk do t’ua japin tokën e tyre pushtuesve”.

Zelensky thotë se çdo zgjidhje pa Ukrainën do të ishte “kundër paqes”

(Kosova Sot Online)