Kuvendi i Kosovës dështon të konstituohet në tërësi

Kuvendi i Kosovës sot ka bërë përpjekjen e radhës për konstituim me fillim nga ora 11:00, transmeton gazeta “Kosova Sot Online”.

Kryetari i Kuvendit, Dimal Basha, e ka konsideruar të mbyllur seancën konstituive edhe pa zgjedhjen e nënkryetarit nga minoriteti serb.

“Konsideroj që moszgjedhja e njërit nga pesë nënkryetarët nuk mund të bëhet pengesë që të mos konstituojë Kuvendin e Kosovës. Si të veprohet tutje me punën tonë, do t’i konsultoj anëtarët e Kryesisë së Kuvendit”.

Ai caktoi mbledhjen e Kryesisë për të hënën në ora 13:00.

Deputeti serb Nenad Rashiq s’ka marrë votat e mjaftueshme për nënkryetar Kuvendi as për herën e tretë.

Pro tij ka votuar Lëvizja Vetëvendosje dhe disa deputetë nga pakicat joserbe.

Ai mori 56 vota për, asnjë kundër dhe 21 abstenime.

Rashiq u eliminua nga gara dhe ka mbetur vetëm deputeti Igor Simiq.

(Kosova Sot Online)