Agim Aliu falënderon qytetarët për mandatin e tretë

Agim Aliu do ta udhëheqë Ferizajn edhe për katër vite të tjera. Ai ka fituar për herë të tretë radhazi në zgjedhjet lokale, duke siguruar edhe një mandat në krye të komunës, transmeton gazeta "Kosova Sot Online".

Pas fitores, Aliu  ka falënderuar qytetarët për besimin dhe përkrahjen që i kanë dhënë sërish.

“Faleminderit shumë Ferizaj”, ka deklaruar ai.

Kreu i Ferizajt theksoi se do të vazhdojë punën për të përmbushur pritjet e qytetarëve dhe për të çuar përpara projektet e nisura në mandatin e kaluar.

Agim Aliu është ndër kryetarët e Partisë Demokratike të Kosovës që ka arritur të sigurojë fitore bindëse, duke ruajtur mbështetjen e fortë në komunën e tij. 

(Kosova Sot Online)