Haradinaj I bindur: AAK s’ka votë për Kurtin

Daut Haradinaj madje thekson se nuk do të kenë votë për të as në këmbim të postit të presidentit të vendit duke e shtuar më tej tha se kjo temë nuk është më as në tavolinë diskutimi.

Deputeti Daut Haradinaj, në emisionin Rubikon të Klan Kosovës, ka deklaruar se ai dhe deputetët tjerë të AAK-së nuk kanë votë për Albin Kurtin për një mandat të ri në krye të qeverisë.

“Nuk mundet me pas në këto rrethana votë për Albin Kurti, e kemi një bjeshkë në mes. Nuk kisha dashur ta komentoj fare. Nuk do të ketë votë. Nuk ka ndryshuar diçka që ne me ndryshu qëndrim. [Nëse ua ofron postin e presidentit?]. Faleminderit shumë, nuk ia japim votën, në këto rrethana. Nuk jemi të gatshëm dhe nuk është temë më në tavolinë presidenti”, tha Haradinaj

Ai tha se mund të ketë qeveri Kurti 3, por që do të jetë vështirë meqë matematikisht u mungojnë edhe së paku 14 vota.

(Kosova Sot Online)