Vance: SHBA pas 33 vjetësh i kthen testimet e arsenalit bërthamor

Testimi i arsenalit bërthamor të SHBA-së është i rëndësishëm për sigurinë kombëtare, tha të enjten zëvendëspresidenti JD Vance, pasi Presidenti Donald Trump urdhëroi ushtrinë amerikane të rifillojë testimin e armëve bërthamore pas një ndërprerjeje prej 33 vitesh, transmeton gazeta "Kosova Sot Online".

“Është një pjesë e rëndësishme e sigurisë kombëtare amerikane të sigurohemi që ky arsenal bërthamor që kemi funksionon siç duhet”, u tha Vance gazetarëve jashtë Shtëpisë së Bardhë.

“Për të qenë të qartë, ne e dimë që funksionon siç duhet, por duhet ta mbajmë nën kontroll me kalimin e kohës dhe presidenti thjesht dëshiron të sigurohet që ta bëjmë këtë”, tha ai, raporton Reuters.

Presidenti Trump e justifikoi masën në një postim në platformën Truth Social duke cituar programet e testimit të vendeve të tjera.

Ai deklaroi se kishte udhëzuar Departamentin e Mbrojtjes të kryente teste “në kushte të barabarta”. Çfarë lloj testesh do të jenë këto dhe cilat lloje armësh do të testohen mbetet plotësisht e paqartë.

(Kosova Sot Online)