Kremlini: Gabim të thuhet se Putini e hodhi poshtë planin e paqes të SHBA-së

Zëdhënësi i Kremlinit, Dmitry Peskov, thotë se “nuk do të ishte korrekte” të thuhej se presidenti rus Vladimir Putin i hodhi poshtë propozimet e SHBA-së për paqe gjatë bisedimeve me Steve Witkoff dhe Jared Kushner dje, transmeton gazeta "Kosova Sot Online".

Duke iu përgjigjur një pyetjeje në një konferencë të përditshme për shtyp, Peskov thotë: “Dje ishte hera e parë që u zhvillua një shkëmbim i drejtpërdrejtë mendimesh. Diçka u pranua, diçka u shënua si e papranueshme. Ky është një proces normal pune dhe një kërkim për kompromis”.

Peskov gjithashtu refuzoi të zbulojë ndonjë detaj nga negociatat pesorëshe në Kremlin: “Ka një mirëkuptim se sa më shumë qetësi t’i rrethojë këto negociata, aq më produktive janë. Ne do t’i përmbahemi këtij parimi dhe shpresojmë që edhe partnerët tanë amerikanë të bëjnë të njëjtën gjë”.

Javën e kaluar pamë një sërë rrjedhjesh mediatike që sugjeronin se amerikanët u përpoqën të paraqisnin një listë maksimaliste kërkesash të përpiluara nga Rusia si “planin e tyre të paqes”, se SHBA-të kanë qenë të përfshira në bisedime të fshehta biznesi me Rusinë dhe se Witkoff i këshilloi rusët se si t’i afroheshin Donald Trump.

(Kosova Sot Online)