Ja çfarë ka kërkuar kësaj radhe Peci

Peci nga karrigia e kryetarit të Mitrovicës paralajmëron fillimin e mandatit: Nënshkrova, më 12 dhjetor mbledhja inauguruese e Kuvendit Komunal, transmeton gazeta "Kosova Sot Online".

Kryetari i ri i Mitrovicës, Faton Peci njoftoi se ka kërkuar thirrjen e mbledhjes inauguruese të Kuvendit Komunal.

Mbledhja, siç njoftoi ai, pritet të mbahet më 12 dhjetor në mesditë.

“Mirëmëngjes qytetarë të Mitrovicës! Sot kam nënshkruar ftesën për thirrjen e mbledhjes inauguruese të Kuvendit të Komunës së Mitrovicës së Jugut, e cila do të mbahet më 12.12.2025, në ora 12:00. Kjo mbledhje shënon fillimin e realizimit të mandatit të dhënë nga vullneti i qytetarëve. Na priftë e mbara!”, shkroi Peci në një postim në Facebook.

(Kosova Sot Online)