Hamza premton rritje të pagave: Nga 800 në 1200 euro, pensioni minimal 250 euro

Kandidati për kryeministër nga PDK-ja, Bedri Hamza, deklaroi se me ardhjen e PDK-së në qeveri bizneset do të kenë mbështetje të madhe, ndërsa qytetarëve u premtoi rritje të të pagave dhe pensioneve qysh në muajt e parë të qeverisjes, transmeton gazeta "Kosova Sot Online".

“Me PDK-në në qeveri, bizneset do të kenë përkrahje të madhe. Në muajt e parë të qeverisjes do t’i rrisim pagat. Nëse dikush e ka pagën 800 euro, me mua në pushtet paga do të jetë 1200 euro, madje do të ketë edhe paga më të larta. Përveç rritjes së pagave, do të ketë edhe rritje të pensioneve — pensioni më i ulët do të jetë 250 euro, duke i përfshirë të gjithë pensionistët,” tha Hamza në 21.

(Kosova Sot Online)