27-vjeçari bie aksidentalisht nga ndërtesa

Një ngjarje e rëndë ka tronditur sot Tiranën, ku një 27-vjeçar është rrëzuar aksidentalisht nga lartësia e pallatit ku banonte. Sipas informacioneve paraprake, i riu është transportuar menjëherë në spital, ku ndodhet nën kujdesin e mjekëve dhe jashtë rrezikut të menjëhershëm për jetën.

Ngjarja ka ndodhur në rrugën “Thoma Koxhaj”, ndërsa dyshohet se shkaku ka qenë një aksident nga lartësia e pallatit.

Policia ndodhet në vendngjarje dhe po kryen hetimet për të sqaruar të gjitha rrethanat e incidentit.

“Në rrugën “Thoma Koxhaj”, dyshohet se aksidentalisht ka rënë nga lartësia e pallatit ku banonte shtetasi M. B, 27 vjeç,  i cili ndodhet në spital, nën kujdesin e mjekëve. Punohet për sqarimin e rrethanave të rastit”, njofton policia.

(Kosova Sot Online)