Dy persona u vranë në Universitetin e Karolinës së Jugut

Dy persona u vranë dhe një tjetër u plagos pas të shtënave të enjten në mbrëmje në një konvikt të Universitetit Shtetëror të Karolinës së Jugut, duke shkaktuar një bllokim të kampusit, thanë zyrtarët e shkollës në një deklaratë, transmeton gazeta "Kosova Sot Online".

Të shtënat u raportuan në një apartament në kompleksin rezidencial studentor Hugine Suites, sipas deklaratës, të postuar në faqen e universitetit në Facebook.

Pak detaje të tjera zyrtare u bënë menjëherë të disponueshme, duke përfshirë nëse dikush që kreu të shtënat ishte ende i lire.

“Zyrtarët e universitetit nuk kanë konfirmuar ende identitetin e viktimave ose gjendjen e personit të plagosur,” tha deklarata.

Universiteti Shtetëror i Karolinës së Jugut, numëron më shumë se 3,000 studentë.

Universiteti tha se i kishte kërkuar Divizionit Shtetëror të Zbatimit të Ligjit të hetonte të shtënat dhe se mësimet e së premtes ishin anuluar.

(Kosova Sot Online)