Dosja Epstein, arrestohet vëllai i Mbretit Charles

Policia ka arrestuar vëllain e Mbretit të Mbretërisë së Bashkuar, Andrew Mountbatten-Windsor.

BBC mëson se Andrew Mountbatten-Windsor është arrestuar nën dyshimin për keqpërdorim i funksionit publik.

Andrew, i cili mbushi 66 vjeç sot, u ndalua në Sandringham Estate në Norfolk të enjten, tha Policia e Thames Valley.

Ai është sërish nën vëmendje dhe hetim të shtuar, pasi publikimi i fundit i materialeve nga të ashtuquajturat “dosjet Epstein” ka hedhur dritë të re mbi lidhjen e tij me pedofilin tashmë të ndjerë.

Policia tha se nuk po e zbulojnë identitetin sipas udhëzimeve kombëtare.

“Është e rëndësishme që të mbrojmë integritetin dhe objektivitetin e hetimit tonë ndërsa punojmë me partnerët tanë për të hetuar këtë vepër të supozuar penale. Ne e kuptojmë interesin e rëndësishëm publik në këtë rast dhe do të ofrojmë përditësime në kohën e duhur”, tha policia britanike.

Sir Keir Starmer u bë figura e fundit e profilit të lartë që ushtroi më shumë presion mbi Andrew të enjten, ndërsa iu bashkua thirrjeve që ai të dëshmonte zyrtarisht për lidhjet e tij.

Duke folur për BBC Breakfast, kryeministri këmbënguli se “askush nuk është mbi ligjin” dhe tha: “Kushdo që ka ndonjë informacion duhet të dëshmojë”.

“Pra, qoftë Andrew apo dikush tjetër, kushdo që ka informacion përkatës duhet të paraqitet para organit përkatës, në këtë rast të veçantë po flasim për Epstein, por ka shumë raste të tjera”.

(Kosova Sot Online)