Kurti paralajmëron diskutime për Presidentin: S’është mirë

Kryeministri Albin Kurti tha se nuk ka pasur kohë të mjaftueshme për t’u takuar me liderë të partive opozitare për çështjen e Presidentit, pasi Gjykata Kushtetuese dha 34 ditë kohë për zgjedhjen e shefit të shtetit.

Në një konferencë për media pas mbledhjes së sotme të Qeverisë, Kurti përmendi vizitën në Francë dhe takimin me presidentin Emmanuel Macron si arsye që ende nuk i ka nisur “konsultimet e brendshme” për Presidentin.

“Së pari, unë jam kthyer mbrëmë nga Parisi, ku kishim një vizitë dhe takim shumë përmbajtësor, rreth dy orësh, me presidentin francez, Emanuel Macron”, tha fillimisht Kurti.

“Prandaj unë nuk e kisha kohën e mjaftueshme që t’i bëj konsultimet e brendshme për takimet e ardhshme”, tha ai.

(Kosova Sot Online)