Franca dënon sulmet izraelite ndaj Libanit
Pasi sekretarja e jashtme e Mbretërisë së Bashkuar, Yvette Cooper, i quajti sulmet e Izraelit ndaj Libanit “komplet të gabuara”, pati edhe reagime të tjera nga e gjithë Europa:
Sulmet e Izraelit ndaj Libanit ishin “të papranueshme”, tha ministri i jashtëm i Francës, Jean-Noel Barrot – duke shtuar se Irani duhet të heqë dorë nga mjetet për të siguruar armë bërthamore, si dhe nga mbështetja e tij për grupe të ndërmjetme si Hezbollah dhe Hamas
Sulmet izraelite ishin “edhe më të papranueshme pasi minojnë armëpushimin e përkohshëm të arritur dje midis Shteteve të Bashkuara dhe Iranit”, tha ai, raporton BBC.
Kryeministrja italiane Giorgia Meloni tha: “Kemi ardhur një hap larg pikës pa kthim, por tani përballemi me një perspektivë të brishtë paqeje që duhet ndjekur me vendosmëri”.
Ndërkohë, Spanja po rihap ambasadën e saj në Teheran, tha ministri i saj i jashtëm. Jose Manuel Albares gjithashtu akuzoi Izraelin për “shkelje të armëpushimit” dhe për “shkelje të së drejtës ndërkombëtare”.
(Kosova Sot Online)
