Si të shërohen përçarjet e shkaktuara nga referendumi Brexit
Shkruan: Hugo Dixon
Një votë e popullit mund ta nisë një proces të debatit, i cili adreson problemet sociale në komunitetin pro-Brexitit
Nëse e lëmë BE-në, do të kemi më pak para për të shpenzuar, sepse ekonomia do të dëmtohet. Për më tepër, debati rreth Brexitit do të vazhdojë me vite - sepse marrëveshja e divorcit nuk do të përcaktojë marrëdhëniet tona të ardhshme me BE-në
Një argument kundër votimit të popullit është se një gjë e tillë do ta ndante vendin në dysh. Një kundërargument thotë se vendi tanimë është ndarë definitivisht në dysh dhe se dalja nga BE-ja me një marrëveshje Brexit, e cila thuajse nuk i pëlqen askujt, thuajse është një recetë për probleme të mëtejme. Ky kundërargument është mjaft i drejtë, aq sa mundet. Por pro-evropianët gjithashtu duhet të tregojnë se kemi nxjerrë mësime nga tri vitet e fundit dhe se një referendum i ri mund të ndihmojë në shërimin e vendit tonë. Ajo që na duhet është një proces, ku ne jemi të sinqertë për mundësitë tona dhe angazhohemi si një shoqëri për të adresuar arsyet legjitime që çuan njerëzit të votonin pro Brexitit, në radhë të parë. Kjo duhet të fillojë me një debat të ndershëm në parlament. Nëse deputetët refuzojnë marrëveshjen e kryeministres kur të kthehen nga pushimet e Krishtlindjeve, siç duhet të bëjnë, ata duhet të përcaktojnë urgjentisht nëse ka ndonjë alternativë të mirë.
Format alternative të Brexitit
Koha për përralla ka mbaruar. Deputetët tani duhet të merren me realitete konkrete - dhe të shohim nëse ndonjë formë e besueshme e Brexitit ka mbështetjen e shumicës. Shanset janë që ata nuk do të bëjnë një gjë të tillë, sepse alternativat e vetme reale ndaj marrëveshjes së kryeministres nënkuptojnë daljen nga BE-ja pa asnjë marrëveshje, apo pranimi i anëtarësimit të plotë në tregun e përbashkët të BE-së së bashku me lëvizjen e lirë të njerëzve. Ky proces i zbulimit do të jetë i vlefshëm, sepse Parlamenti do të përfundojë me një ide më të qartë të asaj që është e mundur. Nëse format alternative të Brexitit janë zbuluar dhe janë konstatuar me të meta, rasti për t'iu kërkuar njerëzve një votim tjetër do të ketë legjitimitet edhe më të madh se sa sot. Votimi i popullit në vitin 2019 do të ishte shumë i ndryshëm nga referendumi i vitit 2016. Pastaj, votuesve iu premtua një Brexit i ëndrrave. Një referendum i ri do të ishte një zgjedhje midis realitetit të qëndrimit dhe realitetit të largimit. Do të ishte naive të mendonim se një votim i ri do të ishte tërësisht i sinqertë. Tundimi për të shtrembëruar faktet, për të bërë premtime joreale dhe madje edhe gënjeshtra, është gjithmonë i pranishëm në politikë. Por, fushëveprimi për ta bërë këtë mund të kufizohet nga fakti se publiku është ndikuar nga pandershmëria e fushatës së vitit 2016 - ku duhet të pranohet, kampi kundër Brexitit gjithashtu mjegulloi të vërtetën, edhe pse nuk zbriti në nivelet e kampit pro Brexit. Votimi i ri i popullit gjithashtu do të kërkonte shumë punë. Në fund të fundit, aq shumë është në rrezik. Por ne të gjithë duhet të përpiqemi të trajtojmë anën tjetër me respekt, siç tha me të drejtë mbretëresha në transmetimin e saj të Krishtlindjeve. Votuesit janë aq të ngopur me politikanët ngacmues se ata mund të dënojnë ata që nuk sillen me respekt - dhe politikanët, duke pasur frikë këtë, duhet të sillen më mirë. Një debat i ndershëm në të dy parlamentet dhe në një referendum të ardhshëm nuk do të jetë e mjaftueshme për të shëruar vendin tonë. Ne gjithashtu duhet të pranojmë se status-quo nuk është i pranueshëm për shumë njerëz - dhe se shqetësimet e tyre legjitime duhet të adresohen. Shumë njerëz jetojnë në komunitete me histori krenare që janë goditur nga deindustrializimi dhe dekada të tëra të neglizhimit. Shërbimet tona publike kanë qenë të uritura për investime. Dhe, ne nuk kemi bërë mjaftueshëm për të integruar migrantët në shoqërinë tonë. Këto nuk janë të vetmet arsye që njerëzit votuan për të lënë BE-në - dhe shpenzimet publike nuk janë përgjigja e vetme. Por, këto probleme kanë nevojë për vëmendje, çfarëdo që të ndodhë me Brexitin.
Ekziston një konsensus në rritje në shoqërinë civile
Kurthi qëndron te fakti se, nëse e lëmë BE-në, do të kemi më pak para për të shpenzuar sepse ekonomia do të dëmtohet. Për më tepër, debati rreth Brexitit do të vazhdojë me vite - sepse marrëveshja e divorcit nuk do të përcaktojë marrëdhëniet tona të ardhshme me BE-në - dhe politikanët tanë nuk do të kenë kohë për të menduar për ndonjë gjë tjetër. Në të kundërtën, nëse qëndrojmë në BE, deputetët do të jenë në gjendje të përqendrohen në shërimin e vendit tonë, në vend se të shqetësohen rreth Brexitit. Do të ketë edhe një mega-dividend ndoshta me vlerë dhjetëra miliarda funte në vit që mund të investohet për të bërë pikërisht këtë, sipas një raporti të "CommonGround", të botuar më parë këtë muaj. Raporti sugjeron tre ide për shpenzimin e këtij dividendi: një fond 'jumpstart' për pjesë të vendit që kanë qenë të uritur për investime; një infuzion me para për NHS-në, mbi dhe përtej asaj që ka premtuar kryeministrja dhe një fond migrimi dhe komuniteti për zonat që janë sfiduar nga ndryshime të papritura ose të rëndësishme të popullsisë. Këto janë vetëm një grup idesh. Njerëz të tjerë do të kenë pikëpamjet e tyre rreth asaj se çfarë duhet të bëjnë. Por, ekziston një konsensus në rritje në shoqërinë civile dhe në mesin e politikanëve nga partitë e ndryshme që ne duhet të bëjmë diçka përgjatë këtyre linjave. Ajo që na nevojitet tani është një debat kombëtar se si të shërohet vendi ynë dhe një vullnet politik për të vazhduar me veprime. Votimi i popullit mund të jetë fillimi i një procesi të tillë.
(Kosova Sot)
