Pa VETTING nuk shërohet sistemi i dështuar dhe korruptuar juridik në Kosovë

Shkruan: ANALISTI- Muhamet Kelmendi

Përkundër mendimit për rindarje dhe riorganizim të ri të gjykatave dhe të prokurorive, i tërë sistemi  varet nga VETTING-u,si mjeti kryesor për spastrimin e tërë sistemit.  Çfarëdo riorganizimi që bënë, nëse nuk kemi gjyqtarë dhe prokurorë profesional, të moralshëm dhe të pathyer nga interesat individuale, sistemi nuk shërohet. Lypset të bëhet spastrimi i sistemi. Me këtë krijohen kushtet edhe për riorganizim të ri.

Lexoni edhe:

Ndjehen lëkundje të tokës në Kosovë

Tashmë ka prova të mjaftueshme për shumë dështime në sistemin tonë të  drejtësisë. Gjykatat nuk kanë arritur të jenë kompetabël me ligjet e Republikës. Çështja është jo vetëm te ndarja e kompetencave territoriale dhe lëndore, por edhe te vetë masat e shqiptuara, të cilat janë të ndryshme për veprat  e njëjta. Te kompetencat lëndore dhe territoriale të sistemit gjyqësor  kemi një dështim të rëndë te KGJK-së. Ky këshill nuk e bënë ndarjen e territorit në bazë të popullsisë dhe as të lëndëve. Kështu p.sh. në Prishtinë, në vend që të kemi 4 a 5 gjykata të shkallës së parë, apo gjykata  themelore, sikundër emërohen, u bë koncentrimi në një gjykatë. Edhe këto jo komplete, të pa organizuar në mënyrë profesionale dhe me gjyqtar të korruptuar. Mbeten kështu me mijëra raste të pazgjidhura, jo vetëm në fushën civilo-juridike, ku kemi lëndë që mbesin nëpër gjykata me 10 e më shumë vjet, por edhe penale, që kanë bërë dhe kushtëzuar parashkrimin e veprave penale. Natyrisht se kjo ndarje jo e barabartë ka bërë gjyqtarë kapedanë, të gjithëfuqishëm dhe, në anën tjetër, në shumë komuna, ka krijuar gjendje, ku puna është e përgjysmuar me kolegët tjerë. Edhe sistemi prokurorial është i ndarë jo mirë. Edhe këtu ka nevojë për riorganizim të ri dhe për ndarje të punës në disa prokurori, sipas lëndës dhe territorit.

Ndarjet e reja ndikojnë dukshëm në profesionalizëm dhe bëjnë të mundur një punë më kualitative në nxjerrjen e provave dhe të dëshmive. I tërë sistemi gjyqësor varet nga prokuroria, varet nga puna dhe dëshmitë që paraqiten. Puna kualitative dhe e dëshmuar ndihmon në azhuritet të gjyqësorit dhe në ndarjen e drejtësisë me ligj. Në të kundërtën, kemi suksese të dobëta dhe vendime gjyqësore të gabuara, të cilat bëjnë përcjelljen e lëndëve nëpër gjykata, nga ajo themelore, në atë të apelit  dhe te supremja, si dhe në mënyrë rikthyese,deri te gjykata themelore.  Kështu ka shkuar lënda nëpër shumë shqyrtime kryesore, pa u vendosur. Përkundër mendimit për rindarje dhe riorganizim të ri të gjykatave dhe të prokurorive, i tërë sistemi varet nga VETTING-u,si mjeti kryesor për spastrimin e tërë sistemit.  Çfarëdo riorganizimi që bënë, nëse nuk kemi gjyqtarë dhe prokurorë profesional, të moralshëm dhe të pathyer nga interesat individuale, sistemi nuk shërohet. Lypset të bëhet spastrimi i sistemi. Me këtë krijohen kushtet edhe për riorganizim të ri.

Shkrimet në këtë rubrikë nuk shprehin qëndrimet e gazetës "Kosova Sot Online".