Lexoni edhe:
Luizi: Ndoshta jam unë finalisti i parë
Zbulohet një shkëmb i ri koralor në ishujt Galapagos
Një ekspeditë shkencore ka zbuluar një shkëmb koralor të panjohur më parë me jetë të bollshme detare në ishujt Galapagos të Ekuadorit, tha të hënën ministria e mjedisit e vendit.
"Një ekspeditë shkencore në ujëra të thella ka gjetur shkëmbinj nënujorë koralorë të parë krejtësisht të pacënuar, afërsisht dy kilometra (1.2 milje) të gjatë, në 400 metra (thellë)", tha Ministri i Mjedisit Jose Davalos.
Shkencëtarët kishin besuar se i vetmi shkëmb i Galapagos që i mbijetoi motit të El Ninos në 1982 dhe 1983 ishte ai i quajtur shkëmbi i Uellingtonit, përgjatë bregut të ishullit Darvin, por zbulimi i ri tregon se koralet e tjera kanë vazhduar, tha ministria në një deklaratë.
"Kjo është shumë e rëndësishme në një nivel global, sepse shumë sisteme të ujërave të thella janë të degraduara," tha Stuart Banks, studiues i lartë detar në Fondacionin Charles Darwin, i cili mori pjesë në ekspeditë. Korali është të paktën disa mijëra vjet i vjetër, shtoi ai.
Vendi i Amerikës së Jugut zgjeroi vitin e kaluar rezervatin detar të Galapagos me 60,000 kilometra katrorë (23,166 milje katrorë), transmeton gazeta “Kosova Sot Online”, një shtrirje prej 138,000 kilometrash katrorë tashmë, për të mbrojtur speciet migratore të rrezikuara midis Galapagos dhe ishullit Cocos në Kosta Rika.
Galapagos, i cili frymëzoi teorinë e evolucionit të Çarls Darvinit, është gjithashtu shtëpia e breshkave gjigante, albatroseve, kormoranëve dhe specieve të tjera, disa prej të cilave janë të rrezikuara.
(Kosova Sot Online)
