Lexoni edhe:
Beyonce rikthehet në Met Gala
NASA humb kontaktet me sondën Maven
NASA ka njoftuar se ka humbur komunikimin me sondën Maven, e cila ka qëndruar në orbitën e Marsit prej më shumë se një dekade.
Sinjali i fundit u regjistrua më 6 dhjetor, në momentin që sonda po kalonte pas planetit si pjesë e orbitës së saj të zakonshme. Sipas të dhënave të fundit, të gjitha sistemet e Maven funksiononin normalisht para zhdukjes së papritur nga komunikimi.
Shkencëtarët e NASA-s ende nuk e dinë shkakun e anomalive dhe nuk është e qartë nëse sonda mund të rikthehet online. Humbja e sinjalit rrezikon të ndërpresë një mision 10-vjeçar që ka dhënë të dhëna thelbësore për atmosferën e sipërme të Marsit dhe mënyrën se si planeti humbi atmosferën dhe u shndërrua në një botë të thatë dhe të ftohtë.
Që prej nisjes në vitin 2013 dhe mbërritjes në orbitë më 2014, Maven ka kryer matje të rëndësishme, ka hartuar erërat marsiane, ka analizuar retë dhe madje ka zbuluar një ‘bisht magnetik’ të padukshëm. Së fundi, sonda u përdor për të studiuar objektin ndërstelar 3I/ATLAS, duke kapur imazhe ultravjollcë që ndihmuan në analizimin e përbërjes së kometës.
Humbja e Maven prek edhe komunikimet mes roverëve Curiosity dhe Perseverance me Tokën, pasi sonda luante rol kyç në transmetimin e të dhënave. NASA aktualisht ka vetëm dy anije aktive në orbitë, Mars Reconnaissance Orbiter dhe Mars Odyssey dhe po punon me urgjencë për të identifikuar problemin dhe për të shmangur rreziqe në misionet e tjera.
(Kosova Sot Online)
