6 ushqimet që e ulin shtypjen e gjakut

FASULJA E BARDHË

Në fasulen e bardhë gjendet një sasi e konsiderueshme e kaliumit, magnezit dhe kalciumit, që në mënyrë të dobishme ndikojnë në shtypjen e gjakut. Fasulen mund ta hani në mënyra të ndryshme, ta shtoni në supë, sallatë apo ta përgatisni në gjellë.

PJESHKAT

Për shumicën e njerëzve, pjeshkat janë freskim veror. Është mirë ta dini se përmban edhe shumë materie ushqyese, vitamina dhe minerale, që janë shumë të dobishme për organizmin e njeriut. Më së miri do të ishte t'i konsumoni të freskëta apo t'i përzieni në blender.

BANANET

Me një banane të madhësisë mesatare do t'i përmbushni për 12 për qind nevojat ditore për kalium. Kjo pemë ekzotike është aleat i hatashëm në luftën kundër stresit. Kur bananet të jenë errësuar nga ngjyra, mos i hidhni, mund ta ngrini dhe do të keni në desert të ngrirë.

LAKRA JESHILE

Kjo perime me gjethe të gjelbër ndryshe e thërrasin edhe super ushqim, sepse përmban vlera të larta me antioksidues, njëkohësisht ka shumë pak kalori. Lakrën jeshile më së miri është ta konsumoni si sallatë apo në formën e zier.

JOGURTI

Ky prodhim i qumështit është burim i shkëlqyeshëm i kalciumit dhe mineraleve të tjera, që pozitivisht ndikojnë në shëndetin e njeriut. Fillojeni ditën me jogurt, por përdoreni edhe për përgatitjen e salcave me pak kalori për sallatë dhe gjellë nga mishi.

KIVI

Pos se është i pasur me vitamina C, kivi po ashtu ju ndihmon ta ulni shtypjen e lartë të gjakut. Më së miri do të ishte ta konsumoni të freskët, sipas mundësive në formën e sallatës së pemëve.

(Kosova Sot Online)