Juventus në Angli edhe për merkato, Nedved bisedime me yllin e United
Juventus ka udhëtuar për në Britaninë e Madhe jo vetëm për të zhvilluar sot në mbrëmje ndeshjen e kthimit të Champions League ndaj Tottenham, por edhe për të biseduar për merkato. Nëse skuadra prej ditës së djeshme ndodhet në Londër, një nga drejtuesi e klubit bardhezi, çeku Pavel Nedved ka udhëtuar për në Manchester. Arsyeja? Ai ka nisur bisedimet me menaxherin e lojtarit francez Anthony Martial, për ta sjellë në Torino sezonin e ardhshëm.
Martial nuk po gjen shumë hapësira te skuadra e trajnerit Jose Mourinho, hapësira që janë zvogëluar edhe më shumë pas ardhjes së Alexis Sanchez. Ndaj, mediat britanike konfirmojnë se bardhezinjtë janë gati të investojnë për ta marrë lojtarin 22-vjeçar, kontrata e të cilit me “djajtë e kuq” skadon në verën e 2019-ës. Problem është disi shuma e lartë që kërkojnë drejtuesit e United, 70 milionë euro, ndaj dhe Juventusi ka nisur që tani bisedimet për të gjetur një marrëveshje
(Kosova Sot)