Sane dhe Reus shënojnë në fitoren e Gjermanisë

  • 08 qershor 2019 - 22:40
Sane dhe Reus shënojnë në fitoren e Gjermanisë

Gjermania e ka mposhtur 2-0 Bjellorusinë. Leroy Sane dhe Marco Reus e kanë udhëhequr Gjermaninë drejt fitores së dytë në po kaq ndeshje në Grupin C të kualifikimeve për Euro 2020.

Gjermania e mposhti 2-0 Bjellorusinë me nga një gol në çdo pjesë. Anësori i Manchester City, Leroy Sane, ishte ai që zhbllokoi rezultatin për mysafirët me një gol të bukur në minutën e 13’ të ndeshjes.

Në pjesën e dytë, Marco Reus shënoi për 2-0 në minutën e 62’, për t’ia dhuruar fitoren gjermanëve. Skuadra e Joachim Low ka shkuar në kuotën e gjashtë pikëve në Grupin C, tri më pak se Irlanda – kjo e fundit ka një ndeshje më shumë të zhvilluar.

(Kosova Sot Online)