Sport: “100 milionë euro + Coutinhon për Neymarin”
Barcelona dhe Real Madridi do të bëjën të pamundurën deri në fund të merkatos për t’ia rrëmbyer njëra-tjetrës brazilianin, Neymar Junior.
Sipas të përditshmes katalunase ‘Sport’, Barcelona tashmë ka nisur negociatat me Paris Saint Germainin për ta sjellë Neymarin në Camp Nou.
Bartomeu nuk është i gatshëm të ofrojë 300 milionë euro që kërkon Nasser Al-Khelaifi dhe për këtë fillimisht ka ofruar 100 milionë euro plus kartonin e mesfushorit, Philippe Coutinho.
Gjithnjë, sipas “El Chiringuito TV”, që i referohet të përditshmes ‘Sport’, Barça mund të shtojë edhe një tjetër futbollist në ofertë nëse PSG-ja refuzon në tentimin e parë – Umtiti dhe Rakitic janë emrat më të përmendur për të hyrë në marrëveshje.
Për 27-vjeçarin interesim ka shprehur edhe Real Madridi dhe spekulimet janë shtuar edhe më shumë me publikimin e fotografisë të Benzemas me Neymarin në “Instagram”, si dhe pas postimit të Zinedine Zidane që braziliani ia ka bërë ‘like’.
Për dy vite në PSG, Neymar nuk e ka gjetur vetën, ani pse ka statistika të frikshme – 58 ndeshje, 51 gola dhe 29 asiste.
Ai dëshiron të rikthehet në Spanjë dhe Reali e Barça tashmë kanë nisur ‘luftën’ për shërbimet e brazilianit.
ë ¡ATENCIÓN! 100 MILLONES + COUTINHO por NEYMAR, según 'Sport'. #JUGONES pic.twitter.com/PFsSqoMaGm
— El Chiringuito TV (@elchiringuitotv) June 21, 2019
(Kosova Sot Online)