I përmendet emri në operacionin Neymar, shpërthen Semedo në “Instagram”
Semedo nuk është dhe as që ka qenë ndonjëherë i përfshirë në operacionin ‘Neymar’.
Barcelona është duke i shikuar të gjitha mundësitë për ta rikthyer në “Camp Nou” Neymar Juniorin.
Për të mos shpenzuar shumë para, mundësia më e mirë është afrimi i disa lojtarëve.
Emri i Philippe Coutinhos ishte përmendur gjatë gjithë kohës, por braziliani tashmë është transferuar te Bayern Munich.
Një ndër emrat e shumtë që janë përmendur se mund të përfshihen në tentim për ta marrë Neymarin, është edhe ai i mbrojtësit të djathtë, Nelson Semedo.
Por, portugezi ka reaguar ashpër në Instastory, duke publikuar lajmin e “Mundo Deportivo” teksa ka shkruar “Mos folni budallallëqe, lajm i rrem”.
Neymar vazhdon të jetë në qendër të vëmendjes nga të gjitha mediat botërore, pasi për të po interesohet edhe Real Madridi.
(Kosova Sot Online)