Muriqi mund të shitet 50 milionë euro
Vedat Muriqi është bërë futbollisti më i përfolur në Turqi pas transferimit në Fenerbahçe, me të cilin klub e ka nisur perfekt aventurën e tij të re.
Me sulmuesin e Kosovës po merren mediat, tifozët, analistët dhe ekspertët e mëdhenj. Me futbollistin prizrenas edhe njëherë është marrë legjenda e Fenerbahçes, Rëdvan Dilmen.
Ai ka ripërsëritur se ish klubi i tij ka bërë punë të mrekullueshme me transferimin e Muriqit, i cili pas pak mund të shitet për 50 milionë euro. “Fenerbahçe e ka transferuar futbollistin më të mirë në 15 vitet e fundit. Mos u befasoni nëse nesër klubi do ta shesë për 50 milionë euro”, ka deklaruar Dilmen.
Muriqi ka shënuar dy gola në dy ndeshjet e para me Fenerbahcen në kampionatin e ri turk.
(Kosova Sot Online)