Vazhdon të ketë punë infermieria e Madridit, probleme për Marcelon

  • 16 shtator 2019 - 16:08
Vazhdon të ketë punë infermieria e Madridit, probleme për Marcelon

Infermieria e Madridit vazhdon të ketë punë.

I fundit që është dëmtuar në shtëpinë e Los Blancos është mbrojtësi i majtë, Marcelo.

Braziliani lëndoi shpatullën në fitoren 3-2 ditë më parë kundër Levantes në “Santiago Bernabeu”.

Në fillim nuk u duk lëndim i rëndë, pasi 31-vjeçari e vazhdoi pa ndonjë problem ndeshjen. Por, ai nuk është stërvitur gjatë ditës së sotme dhe sipas AS, edhe Marcelo do të mungojë të mërkurën kundër Paris Saint Germainit dhe mund të humbasë edhe ndeshjen e vikendit kundër Sevillas.

Vendin e brazilianit do ta zërë mbrojtësi i majtë i blerë gjatë verës për 50 milionë euro, Ferland Mendy.

Përveç Marcelos, kundër PSG-së do të mungojnë Asensio, Isco, Modric e Valverde, që të gjithë të dëmtuar, ndërsa Sergio Ramos dhe Nacho janë të suspenduar.

(Kosova Sot Online)