Silva, i mahnitur nga Mbappe: Ky lojtar është i jashtëzakonshëm

  • 23 tetor 2019 - 09:26
Silva, i mahnitur nga Mbappe: Ky lojtar është i jashtëzakonshëm

Kapiteni i Paris Saint-Germainit, Thiago Silva, e lavdëroi heroi e mbrëmshëm Kylian Mbappen, pasi shënoi het-trik në paraqitjen e tij rekordthyese në kuadër të Ligës së Kampionëve.

Edhe pse sapo i kthyer nga lëndimi, 20-vjeçari Kylian Mbappe u inkuadrua në lojë gjatë pjesës së dytë të fitores 5:0 të Paris Saint-Germainit kundër Club Brugge dhe ai luajti rol kyç në këtë ndeshje me het-trikun e tij.

Pasi hyri në lojë në minutën e 52-të të ndeshjes, Mbappe arriti ta shënojë golin e tij të parë vetëm nëntë minuta më vonë, ndërsa jo shumë kohë më vonë e regjistroi edhe një asist për golin e Mauro Icardit.

Në minutën e 80-të, francezi e arriti golin e dytë të ndeshjes pasi i mposhti dy mbrojtës, ndërsa katër minuta më vonë e kompletoi het-trikun e tij, sërish me ndihmën e Angel di Marias, i cili i regjistroi dy asiste.

“Ai është e tashmja, ai është gati, është i talentuar. Nuk mund të ju them asgjë më shumë sepse ai është një lojtar i mrekullueshëm”, ka thënë Silva.

“Jam shumë i lumtur për të, për skuadrën, për mënyrën se si luajtëm sonte. Në pjesën e parë e patëm të vështirë, e dinim këtë, por në pjesën e dytë ishim shumë më efektiv”.

“Ne patëm mundësi, shënuam. Veçanërisht Kylian, ky lojtar është i jashtëzakonshëm”.

Kjo ishte një tjetër paraqitje magjike nga Mbappe në garën më prestigjioze të Evropës, duke bërë që tani ta ketë arritur shifrën prej 15 golash në Ligën e Kampionëve vetëm në moshën 20 vjeç dhe 306 ditë.

 

Ky rekord e bën atë lojtarin më të mirë në histori që i ka arritur 15 gola, duke e thyer kështu rekordin e vendosur paraprakisht Messi, i cili e arriti këtë shifër kur i kishte 20 vjeç dhe 288 ditë.

Mbappe gjithashtu arriti të bëhet lojtar i parë që hyn në lojë nga stoli dhe arrin t’i shënojë tri gola në Ligën e Kampionëve që nga tetori i vitit 2008, kur Joseba Llorente e shënoi një het-trik të tillë për Villarrealin kundër Aalborgut.

(Kosova Sot Online )