FBK-ja me njoftim për klubet e Prishtinës

  • 18 shkurt 2020 - 16:56
FBK-ja me njoftim për klubet e Prishtinës

Federata e Basketbollit e Kosovës (FBK) i njofton klubet prishtinase se të mërkurën dhe të enjten në Pallatin e Rinisë dhe Sportit në Prishtinë do të stërvitin vetëm Kombëtarja e Kosovës në basketboll dhe ajo e Islandës.

“Kjo vjen për shkak të rregullave të FIBA-s, që nuk lejon klubet tjera të stërvitin për shkak të ndeshjes zyrtare ndërmjet Kosovës dhe Islandës, që zhvillohet të enjten nga ora 19:00 në Pallatin e Rinisë dhe Sportit në Prishtinë”, shkruan në njoftimin e shtëpisë së basketbollit kosovar.

FBK-ja me këtë rast kërkon mirëkuptim nga klubet e Prishtinës që stërvitin në Pallatin e Rinisë dhe Sportit.

Kosova do të luajë në kryeqytet me Islandën më 20 shkurt, në kuadër të fazës parakualifikuese të Botërorit 2023.

(Kosova Sot Online)