Zyrtare: Liverpooli e shet Lovrenin për 12 milionë euro
Dejan Lovren është larguar nga Liverpooli për t’iu bashkuar klubit rus, Zenit St Petersburg.
Mbrojtësi kroat ka nënshkruar kontratë trevjeçare me gjigantin rus, i cili do t’ia paguajë Liverpoolit rreth 12 milionë euro për shërbimet e tij.
Kështu, 31-vjeçari po largohet nga Anfield pas një periudhe gjashtëvjeçare.
Lovren nuk ishte i parapëlqyer më në Liverpool dhe sezonin e fundit 2019/20 i bëri vetëm 10 paraqitje në Premierligë.
Ai ishte blerë nga trajneri i atëhershëm Brendan Rodgers pas një sezoni mbresëlënës në Southampton. Më parë, ai ka luajtur edhe për Dinamo Zagreb, Inter Zapresic dhe Lyon.
Ai i ka fituar disa trofe me të kuqtë, përfshirë Ligën e Kampionëve dhe Premierligën, duke i shënuar tetë gola në 185 paraqitje.
We can confirm @Dejan06Lovren has joined @fczenit_en on a permanent transfer.
— Liverpool FC (Premier League Champions ë) (@LFC) July 27, 2020
Everyone at the Reds would like to thank Dejan for his brilliant contribution over the years and wish him all the very best in his new challenge ë
(Kosova Sot Online)