“Arrogant dhe i frikësuar” – Anthony Joshua fyhet rëndë nga Kubrat Pulev para meçit

  • S.A /
  • 12 gusht 2020 - 16:38
“Arrogant dhe i frikësuar” – Anthony Joshua fyhet rëndë nga Kubrat Pulev para meçit

Anthony Joshua është fyer nga Kubrat Pulev se është një arrogant dhe frikacak para rimeçit të tyre.

Britaniku ka vënë në sfidë tre tituj të peshave të rënda në boks, WBA, WBO dhe IBF, në përballjen ndaj bullgarit që pritet të zhvillohet në dhjetor.

Meçi pritet të zhvillohet në Londër, derisa Joshua është favoritë absolut, mirëpo Pulev beson se do të fitojë ndaj kampionit në fuqi.

“Për të do të jetë disi më ndryshe pa fansat e tij, mirëpo boksi nuk varet nga kjo gjë, ne mund të luftojmë me apo pa tifozë, nuk ka rendësi. Por, ndoshta ai ka nevojë për fansat e tij”, ka thënë Pulev në Betway.

“Ai ka bërë së fundmi diçka arrogante, por unë e shoh se është i frikësuar. Ai flet për përballjen me Tyson Furyn, derisa përballë do më ketë mua”.

“Nëse ai arrin të fitojë ndaj meje, është në rregull, mirëpo nuk mendoj se ai do ia dal, shikoni çfarë i bëri Andy Ruiz në të dyja përballjet, nga unë do ta pësojë edhe më keq”, ka shtuar më tej boksieri bullgar.

Joshua dhe Puelv do të përballeshin në korrik të këtij viti, mirëpo pandemia me coronavirus shtyu meçin mes tyre.

(Kosova Sot Online )