Pas Aston Villës e Leedsit, edhe një klub anglez hyn në garë për Rashicën

Evertoni bëhet klubi i tretë nga Premierliga që i vihet pas yllit kosovar, pas Aston Villës e Leeds Unitedit

Klubet angleze duket të jenë më të interesuarat për Milot Rashicën.

Ylli kosovar mund ta vazhdojë karrierën në Premierligë.

Kohëve të fundit, interesim për futbollistin vushtrrias kishin shfaqur dy klubet angleze, Aston Villa e Leeds United.

Por, mediat britanike shkruajnë sot se në garë për 24 vjeçarin është futur edhe klubi i tretë i Premierligës, Evertoni.

Trajneri Carlo Ancelotti thuhet se e pëlqen përfaqësuesin kosovar, i cili shkëlqeu në Werder Bremen në dy sezonet e fundit.

Objektiv tjetër i Evertonit është Wilfried Zaha i Crystal Palacet.

Por, në vend të tij, tash klubi nga Liverpooli po e kërkon Rashicën.

Klubi anglez është i bindur se mund ta transferojë ish-futbollistin e Vushtrrisë dhe Vitesses për 20 milionë euro.

Futbollistin e krahut e pëlqejnë edhe Napoli në Itali dhe Leipzigu në Gjermani.

Ai i ka realizuar 11 gola dhe i ka dhuruar 8 asistime në 34 ndeshje në sezonin 2019/2020.

E në total, ai i ka zhvilluar 74 ndeshje me ekipin gjerman, duke i realizuar 24 gola dhe i ka bërë 14 asistime.

Rashica ka kontratë me Werderin deri në vitin 2022, por largimi i tij prej aty pritet të ndodhë shumë shpejt.

Drejtuesit e Bremenit kanë konfirmuar se Aston Villa ka bërë ofertë zyrtare për Rashicën.

Klubi gjerman e vlerëson lojtarin 25 milionë euro. 

(Kosova Sot Online)