PSG-ja e mposht Juventusin në garë për yllin italian

Nuk do të luajë përkrah Cristiano Ronaldos dhe Dybalas, por me Mbappénë, Neymarin dhe Icardin. PSG vazhdon të flasë italisht.

Pas Florenzit, nën kullën Eiffel zbarkon Moise Kean. Sulmuesi i Evertonit, i cili u mendua se do të bashkohej përsëri me Juventusin, është një hap larg nënshkrimit me klubin francez.

Sipas “L’Equipe”, futbollisti i dalëlindjes 2000 do të transferohet të kampionët e Francës në huazim, për të mbushur boshllëkun e krijuar nga largimi i Cavanit (është pranë zyrtarizimit te Manchester United).

Kean u ble nga Evertoni në verën e vitit 2019 për 27.5 milionë euro (plus bonuse). Me ekipin e Carlo Ancelottit ai shënoi 2 gola në 31 ndeshje në kampionat.

Sulmuesi i ri, i lindur në Vercelli, pasi kaloi në të gjitha ekipet zinxhir të përfaqësueses italiane, iu bashkua në vitin 2018 skuadrës A, duke shënuar 2 gola në 5 ndeshje.

Afrimi i Kean do të ishte përgjigjja më e mirë e drejtorit sportiv të PSG-së, Leonardo, ndaj kritikave të Thomas Thuchel për një merkato të dobët.

(Kosova Sot Online)