Inter publikon skuadrën për Ligën e Kampionëve

Interi ka lajmëruar skuadrën e tyre për Ligën e Kampionëve dhe në të kanë përfshirë Radja Nainggolan, derisa Matias Vecino dhe Daniele Padelli kanë mbetur jashtë

Klubi ka lajmëruar listën e lojtarëve që do të jenë të gatshme të luajnë për fazën grupore të Ligës së Kampionëve.

Zikaltërit do të luajnë kundër Real Madridit, Shakhtar Donetskit dhe Borussia Monchengladbachut.

Nainggolan është përfshirë në këtë listë, pavarësisht se nuk ishte në skuadër kundër Cagliarit në ditët e fundit të afatit kalimtar.

Vecino dhe portieri Padelli janë jashtë, po ashtu edhe Ionut Radu dhe Filip Stankovic – djali i mesfushorit Dejan Stankovic – por që do të jenë në listë B, sidomos nëse lëndohet Samir Handonovic. 

(Kosova Sot Online)