Treshja skoceze rezulton pozitiv para gjysmëfinales për EURO 2020

Stuart Armstrong, Kieran Tierney dhe Ryan Christie do të mungojnë në gjysmëfinalen e “play-off” për “EURO 2020” kundër Izraelit, pasi që kanë rezultuar pozitiv në testin për Covid-19.

Mbrojtësi i Arsenalit, Tierney dhe sulmuesi i Celticut, Christie duhet që të vetëizolohen për 14 ditë që nga dita e martë pasi që janë identifikuar si kontakte të ngushta.

Ata gjithashtu do të mungojnë edhe në ndeshjet e Ligës së Kombeve kundër Sllovakisë dhe Çekisë.

Christie nuk do të jetë në dispozicion për ndeshjen e 17 tetorit kundër Rangers, ku në të njëjtën ditë do të mungojë edhe Tierney, pas vizitës që do t’ia bëjnë Manchester Citit.

Mesfushori i Southamptonit, Armstrong ka rezultuar negativ pas mbërritjes në kampin skocez të hënën.

Sidoqoftë, në testin pasues të UEFA-s ka rezultuar përsëri pozitiv, që detyrohet të vetëizolohet për 10 ditë që nga dita e martë.

Shefi ekzekutiv i Federatës skoceze, Ian Maxwell ka konfirmuar që pjesa tjetër e ekipit kanë rezultuar negativ edhe në testimin e raundit të dytë dhe do të vazhdojnë të përgatiten për ndeshjet e ardhshme, kundër Sllovakisë në vizitë të dielën dhe kundër Republikës Çeke të mërkurën. 

(Kosova Sot Online)