Tierney do ta humbet ndeshjen Me Manchester City

Mbrojtësi i majtë i Arsenalit, Kieran Tierney pritet që ta humbet ndeshjen kundër Manchester City pasi që një shok i tij i skuadrës të Skocia është testuar Covid-19

23 vjeçari pritet që të mungojë në tri ndeshjet e Skocisë dhe në një tjetër në Premier Ligë, kundër skuadrës se Pep Guardiolas.

Mbrojtësi Kieran Tierney është detyruar që të vetizolohet për 14 ditë pasi që ka pasur kontakt me Stuart Armstrong, i cili është testuar pozitiv për Covid-19.

Si rezultat, Tierney do të detyrohet që të mos luajë në tri ndeshjet në vazhdim, si dhe në ndeshjen e Arsenalit kundër Manchester City më 17 tetor.

Federata skoceze e futbollit ka konfirmuar të mërkurën që Armstrong është testuar pozitiv pasi në testin e parë ishte testuar negativë ditën e hënë.

Mesfushori i Southampton do të vetizolohet për 10 ditë derisa Tierney, Ryan Christie dhe dy pjesëtarë të Skocisë do të izolohen për 14 ditë pasi që janë konfirmuar se kanë pasur kontakt të afërt me Armstrong.

“Përderisa ky është një lajm i keq, lajmi më i rëndësishëm është shëndeti dhe siguria e individëve dhe grupit”, ka thënë trajneri i Skocisë, Steve Clarke për federatën e Skocisë.

“Sapo jam informuar për testet pozitive, shefi i mjekëve të Kombëtares menjëherë ka kontaktuar me këshilltarin klinik të Qeverisë skoceze, i cili i ka lajmëruar rastet te autoritetet shëndetësore”. 

(Kosova Sot Online)