Muriqi kundër Vojvodës nga minuta e parë

Dyshja e Kombëtares së Kosovës, Mërgim Vojvoda dhe Vedat Muriqi do të përballen sot kundër njëri-tjetrit në Serie A.

Torino e pret Lazion në Stadiumin Olimpik në Torino, në një ndeshje të javës së gjashtë që nis në orën 15:00.

Vojvoda, i cili e ka fituar besimin e trajnerit Marco Giampaolo, do të luajë titullar sërish.

Ndërkohë, ky do të jetë debutimi i plotë i Muriqit për Lazion në Serie A.

Muriqi ka luajtur në disa ndeshje për të kaltrit këtë sezon, por asnjëherë titullar. 

(Kosova Sot Online)