Valon Berisha me asist të bukur për Reims

Valon Berisha ka asistuar në për njërin prej dy golave të Stade de Reims kundër Strasbourg, në takimin që është duke u zhvilluar momentalisht në Stade Auguste-Delaune në Ligue 1.

Reims është duke fituar 2:1 kundër Strasbourg pas pjesës së parë në një ndeshje ku po lë gjurmë edhe mesfushori i Kombëtares së Kosovës, Berisha.

Berisha është duke e bërë paraqitjen e tetë për Reims në Ligue 1 këtë sezon, pasi tashmë e ka zënë vendin e titullarit menjëherë pas transferimit nga Lazio këtë verë.

Derisa është në kërkim të golit të parë në Ligue 1, Berisha e ka gjetur asistin.

27-vjeçari harkoi nga këndi në mënyrë të përkryer dhe topin e tij e shfrytëzoi Wout Faes, që shënoi me kokë.

(Kosova Sot Online)