Franca fiton Grupin 4, Kroacia mbetet në Ligën A
Franca e ka mposhtur me rezultat 4-1 Suedinë për ta fituar kështu grupin e 3-të të Ligës A të Kombeve. Në anën tjetër Kroacia ka humbur me rezultat 2-3 kundër Portugalisë në Split për të vazhduar kështu qëndrimin në Ligën A të Kombeve, kjo edhe falë Francës që e mposhti Suedinë me rezultat 4-2
Franca-Suedia 4-1
Franca e ka mundur me rezultat 3-1 Suedinë për ta fituar Grupin 3 të Ligës A të Kombeve. Suedia e nisi më mirë këtë ndeshje pai që shënoi gol në minutën e 4 me anë të Viktor Claesson. Por, Franca u kthye shpejtë duke përmbysur rezultatin që në pjesën e parë të takimit. Rezultati u barazua në minutën e 16-të me Olivier Giroud, derisa atë e përmbysi Benjamin Pavard në minutën e 36-të. Në Pjesën e dytë Giroud do të shënonte në minutën e 59-të. Suedia do ta ngushtonte epërsinë në minutën e 88-të Quaison R., kurse golin përfundimtarë në këtë ndeshje e shënon Coman në minutën e 5-të shtesë të takimit. Pas kësaj fitoreje Franca e fiton Grupin 3 të Ligës A të Kombeve me 16 pikë, 3 më shumë se Portugalia që është e dyta me 13-të pasi mposhti Kroacinë në Split sonte. Suedia ndërkaq sezonin e ri të Ligës së Kombeve do të luajë në Ligën B të Kombeve pasi përfundoi në vendin e fundit me 3 pikë.
Kroacia-Portugalia 2-3
Kroacia ka humbur edhe ndeshjen e fundit në Ligën A te Kombeve kundër Portugalisë në grup. Kroacia e ka përfunduar në mënyrën më të keqe këtë sezon në Ligën e Kombeve duke shënuar një fitore nga 6 ndeshje të luajtura. Nënkampionët e botës e nisën më mirë këtë sezon pasi që në minutën e 29-të do të shënonte Kovacic, me të cilin rezultat do të përfundonte edhe pjesa e parë. Në pjesën e dytë gjërat do të vështirësoheshin për kroatët pasi që Marko Rog përjashtohet me të kuq nga ndeshja në minutën e 51-të. Goli i barazimit erdhi në minutën e 53-të ku shënoi Ruben Dias. Portugezët erdhën te epërsia e parë në këtë ndeshje në minutën e 60-të me anë të Joao Felix, por pesë minuta më vonë kroatët do të barazonin me Kovacic. Kur mendohej që ndeshja do të përfundoi me barazim gol në minutën e parë shtesë për portugezët shënoi Ruben Dias, për t’ia siguruar kështu Portugalisë 3 pikë që edhe ashtu nuk i hynin shumë në punë pasi që e kishte humbur grupin dhe ai i takonte Francës. Kroacia edhe pse humbi mbetet në Ligën A të Kombeve derisa Suedia që humbi me rezultat 4-1 sezonin e ardhshëm të kësaj lige do të konkurron në Ligën B të Kombeve.
(Kosova Sot Online)
