Casemiro negativ, Hazard dhe Militao sërish pozitiv me COVID-19

Casemiro i është rikthyer jetës normale, nëse mund ta quajmë kështu, pasi koronavirusi ka ndryshuar gjithë botën.

Mesfushori i Real Madridit ka rezultuar negativ në testin për COVID-19 dhe i është dhënë drita e gjelbër për t’u rikthyer në stërvitje.

Të mërkurën, ai është stërvitur normalisht me pjesën tjetër të skuadrës dhe do të jetë i gatshëm për sfidat e radhës kundër Villarrealit dhe Interit.

Por, ai për të cilin të gjithë po prisnin, Eden Hazard, ka rezultuar sërish pozitiv.

Pas pak ditësh do të bëjë të paktën dy teste për të parë rezultatet, megjithatë te Reali janë optimist se do të shërohet para ndeshjes të mërkurën me Interin në Ligën e Kampionëve.

Pozitiv ende vazhdon të jetë edhe Militao. 

(Kosova Sot Online)