Shpërthen Reja: “Vetëm kritikoni, jepini merita Shqipërisë”

Edy Reja e humbi disi qetësinë në intervistën pas fitores me Bjellorusinë, teksa u pyet për problemet që shfaqën kuqezinjtë në fazën mbrojtëse.

Trajneri italian këmbënguli se u duhet dhënë merita futbollstëve për sakrificat e tyre në fushën e blertë ndaj një kundërshtari shumë të fortë fizikisht.

“Më pëlqen të luaj mirë  kur i kemi mundësitë. Tani na duhej rezultati, e morëm me meritë. Djemtë treguan se e duan Kombëtaren dhe duhet t’u japim meritat”.

Rrshtimi i skuadrës: ” Na mërzitët me të njëjtën pyetje. Pse nuk pyesni se çfarë bënë sot dhe si ndihen lojtarët me skemën 3-5-2?! Gjithmonë nxirrni këtë histori. Na çatë kokën me këtë punën e modulit 3-5-2. Sapo mundëm bjellorusët, që ishin “monstra” fizikisht. Futbolli luhet me 3, 4 mbrojtës. Shpesh 3 lojtarë markojnë një kundër një, Doka luan në fazën ofensive. Nëse ke lojtarë të tjerë, merr dhe rezutlate më të mira”.

(Kosova Sot Online)